ഖാലിദിന്റെ ജാമ്യാപേക്ഷയില് ഡല്ഹി പൊലിസിന് സുപ്രിം കോടതിയുടെ നോട്ടിസയച്ചു. ഡല്ഹി കലാപം നടത്താന് ഗൂഡാലോചന നടത്തി എന്നതിന്റെ പേരിലെടുത്ത കേസിലാണ് മര് ഖാലിദ് ഇപ്പോള് സുപ്രീം കോടതിയില് ജാമ്യാപേക്ഷ നല്കിയിരിക്കുന്നത്. ഇതേ കേസില് കഴിഞ്ഞ ഒക്ടോബറില് ജാമ്യം നിഷേധിച്ച ഹൈക്കോടതി ഉത്തരവിനെതിരെയാണ് ഉമര് ഖാലിദിന്റെ ഹര്ജി.
യുഎപിഎ ചുമത്തി പൊലീസ് അറസ്റ്റ് ചെയ്ത ഉമര് ഖാലിദും ഖാലിദ് സെയ്ഫും നിലവില് ജുഡീഷ്യല് കസ്റ്റഡിയിലാണ്. പൗരത്വ നിയമ ഭേദഗതിയുമായി ബന്ധപ്പെട്ട് 2020 ഫെബ്രുവരിയില് വടക്കുകിഴക്കന് ഡല്ഹിയിലുണ്ടായ കലാപത്തില് പങ്കുണ്ടെന്നാരോപിച്ചാണ് ഉമര് ഖാലിദിനെതിരെ യുഎപിഎ ചുമത്തി കേസെടുത്തത്.
ഉമര് ഖാലിദ് രണ്ട് വര്ഷമായി ജയിലില് കഴിയുകയാണെന്നും ജാമ്യം അനുവദിക്കണമെന്നും അദ്ദേഹത്തിന് വേണ്ടി ഹാജരായ അഭിഭാഷകന് വാദിച്ചു. ഉമര് ഖാലിദ് നടത്തിയത് പൗരത്വ ഭേദഗതിയുമായി ബന്ധപ്പെട്ട പ്രസംഗമാണെന്നും കലാപം ഉദ്ദേശിച്ചിട്ടില്ലെന്നും ജാമ്യഹര്ജിയില് വ്യക്തമാക്കിയിരുന്നു.
പ്രസംഗം അപകീര്ത്തികരമാണെന്ന് വാദിക്കാന് സാധിക്കും. എന്നാല് ഇത് തീവ്രവാദ പ്രവർത്തനത്തിന് തുല്യമാകില്ലെന്ന് ജസ്റ്റിസുമാരായ സിദ്ധാർത്ഥ് മൃദുൽ, രജനീഷ് ഭട്നഗർ എന്നിവരടങ്ങിയ ബെഞ്ച് പറഞ്ഞു. കേസില് കൂടുതല് വാദം കേള്ക്കുന്നതിനായി ജൂലൈ 4ന് ഹര്ജി പരിഗണിക്കുമെന്ന് കോടതി അറിയിച്ചു.